Զբոսաշրջության զարգացման շնորհիվ Դեբեդի կիրճի գյուղերում շատ ընտանիքներ հարմարեցնում են իրենց տները հյուրերին տեղավորելուն և նրանց համար հարմարավետ պայմաններ են ստեղծում։ Հյուրատների կողքին կան նաև հյուրանոցային համալիրներ իրենց ռեստորանային հատվածներով։ Մարզի ամենամեծ հյուրանոցը «Ավան-Ձորագետ Թուֆենկյանն» է՝ Մ6 մայրուղու վրա։ Հաղպատ գյուղում կգտնեք «Քեֆիլյան» և «Գայանե» հյուրանոցները։ Դսեղ համայնքում կարող եք նախօրոք սենյակ ամրագրել որոշ տեղացիների առանձնատներում, որոնցից են «Սոնա», «Վերնատուն», «Աղա Բեկ» հյուրատները։ Վրանային գիշերակացի համար կարող եք այցելել Դսեղին կից WOW Glamping վրանային գոտին։ Հարևան Դեբեդ գյուղում հայտնի են վերջերս բացված «Չամիչ» հյուրատունը և «Դեբեդ Լայֆ» համակեցությունը։ Թումանյան համայնքի կենտրոնին մոտ գտնվում է Արտեմի հյուրատունն իր մի քանի սենյակներով։ Եթե ձեր օրն Արևածագի ձորում անցկացնելուց քայլեք դեպի Ձորագյուղ համայնք, կարող եք հյուրընկալել «Մեր տունը» կամ «Ձորագյուղ» տներում։ Օձուն գյուղի ամենավերևի թաղամասերում գտնվում է համանուն հյուրատունը, որն ընդլայնում է իր տարածքն ու հարմարությունները։