Դեբեդի կիրճը կամ, ժողովրդական լեզվով ասած՝ Լոռու ձորը, Հայաստանի հյուսիսի ամենատպավորիչ բնական լանդշաֆտներից է։ Կիրճը սկսվում է Վանաձոր մարզկենտրոնից և Դեբեդ գետի հունով ձգվում մինչև Վրաստանի պետական սահման։ Այստեղ է Հայաստանի Հանրապետության ամենացածրադիր հատվածը՝ ծովի մակարդակից 375 մ բարձրությամբ և մոտ 350 մ առավելագույն խորությամբ։ Ձորի միջով հոսող Դեբեդ գետը, կից գալարապտույտ ճանապարհը, շրջակա լեռները և այնտեղից բացվող տեսարանները կիրճը դարձնում են Լոռու մարզի ամենատեսարժան ուղղություններից տարվա ցանկացած եղանակին։
ՔՈԱՖ այցելուների կենտրոն
Հասցե․ Մ6 և Հ22 ճանապարհների խաչմերուկ
Հեռախոս․ +374 60 705 007
Էլ․ փոստ․ visitorcenter@coaf.org
Դսեղի այցելուների կենտրոն
Հասցե․ գ․ Դսեղ, 2-րդ փողոց, 1-ին շենք
Հեռախոս․ +374 60 657 441
Էլ․ փոստ․ dseghcenter@gmail.com
Լոռի այցելուների կենտրոն
Հասցե․ ք․ Վանաձոր, Հայքի հրապարակ, 1
Հեռախոս․ +374 91 041 323
Էլ․ փոստ․ vic.lori.vanadzor@gmail.com
Կլիմա
Դեբեդի կիրճն ունի խոնավ կլիմա։ Միջին և բարձրադիր գոտում կլիման բարեխառն լեռնային է, բնորոշ են տևական, ցուրտ ձմեռները: Ամառները տաք են, համեմատաբար խոնավ:
Տարեկան թափվում են 600-700 մմ մթնոլորտային տեղումներ: Նախալեռնային գոտում կլիման մերձարևադարձային է. բնորոշ են չափավոր շոգ և չորային ամառներն ու մեղմ ձմեռները:
Օգտակար համարներ
Օգտակար հավելվածներ
HikeArmenia – Բացահայտեք Դեբեդի կիրճի և Հայաստանի քայլարշավային երթուղիները։ Հավելվածը կարող եք ներբեռնել App Store-ից կամ Play Market-ից։
GG Taxi կամ Yandex.Taxi հավելվածները հնարավորություն են տալիս հավելվածների միջոցով տաքսի ծառայություն պատվիրել ինչպես Երևանում, այնպես էլ Հայաստանի այլ քաղաքներում։
360Stories – Ուսումնասիրեք Հայաստանի տեսարժան վայրերը 360 աստիճան աստիճան պատկերի օգնությամբ։
Rate.am հավելվածը ներկայացնում է Հայաստանի բանկերում և արտարժույթի փոխանակման կետերում տվյալ պահին գործող փոխարժեքները։ Հավելվածը կարող եք ներբեռնել App Store-ից կամ Play Market-ից։