Քայլարշավներ

Դեբետի կիրճը բոլորին հիացնում է թե՛ իր բնությամբ, թե՛ պատմամշակութային վայրերի առատությամբ։ Իսկ երբ այդ երկուսը համատեղում ես, արդյունքում ստացվում է մի հրաշք երթուղի՝ Քոբայրից մինչև Օձուն։ Երթուղին սկսվում է Քոբայր գյուղից և ավարտվում Օձունում։ Երթուղու ընդհանուր երկարությունը կազմում է 11 կմ։ Արահետը, որով քայլելու եք, բարեկարգվել է վերջերս և ամբողջ արահետի երկայնքով առկա ուղենիշերը ցույց կտան ճիշտ ճանապարհը։ Քայլարշավը միջին բարդության է և, միջին տեմպով քայլելու դեպքում, ամբողջ ճանապարհը կարելի է անցնել 4-5 ժամում։ Դուք ճանապարհորդելու եք գեղատեսիլ կիրճով և անցնելու Հոռոմայրի վանքը: Այնտեղ ձեզ սպասում են ձորի և հարակից գյուղերի հրաշալի տեսարաններ: Ամենայն հավանականությամբ, այս ճանապարհին կհանդիպեք վայրի այծերի:

Աննկարագրելի բավականություն կստանաք նաև քայլելով Արևածագի ձոր տանող արահետով (10 կմ), որը սկիզբ է առնում Կուրթան գյուղից, անցնում Հնեվանքի մոտով, որը VII դարի վանական համալիր է և շարունակվում դեպի Արևածագի գյուղի ձոր, որը մեծ տարածում է գտել հանրության շրջանում իր չքնաղ տեսարանով։ Տեղացինները ժայռն անվանում են Ցիցքար, բայց և նշում, որ այն իրականում Ձորագետի ձոր անվանումն է կրում։ Արշավն ավարտվում է Արևածագ գյուղում։