Լուցկու տուփի պիտակների թանգարան

Յուրօրինակ փոքրիկ թանգարան, որտեղ ցուցադրված են հազարավոր լուցկու տուփի պիտակներ: Այստեղ կարող եք գտնել բազմաթիվ ազգային տարազներ և կնիքներ, հանրակրթական, տիեզերական պատկերներ և, իհարկե, տարատեսակ խորհրդանշային թեմաներ արտացոլող պիտակներ: Հիանալի վայր կանգ առնելու և վերապրելու յորահատուկ փորձառություն:
Ամենահին կտորը անգլիական լուցկու տուփի պիտակն է, որը թվագրվում է 1920 թվականին: Կան պիտակներ հայտնի մարդկանց նկարներով: Յուրահատուկ է Ալեքսանդր Պուշկինի գծանկարներով տպագրված լուցկու տուփերի շարքը: Կան պիտակներ ԽՍՀՄ ազգերի նկարներով: Ժամանակին մարդիկ լուցկու տուփերով նաեւ խաղացել են՝ դոմինո, կամ փազլ են հավաքել: Ե՛վ ԽՍՀՄ, եւ՛ եվրոպական երկրներում շատ էին տիեզերագնացության թեմայով լուցկու պիտակները։
Երկրները լուցկու պիտակների միջոցով ներկայացրել են իրենց սպորտային նվաճումները, մշակույթը, սովորույթները, քաղաքները, կենդանական ու բուսական բազմազանությունը: Շատ յուրահատուկ շարք կա, որը ներկայացնում է ավիամոդելավորման պատմությունը՝ ամենապարզ սավառնակից մինչեւ ժամանակակից ինքնաթիռ:
Շարքեր կան, որոնցում ներկայացված են լուցկու հատիկի արկածները: Յուրահատուկ ֆրանսիական շարք կա, որի պիտակները նկարում էին երեխաները:
Լուցկու տուփերն իսկապես տվյալ երկրի, տվյալ ժամանակաշրջանի արտացոլանքն էին: Այնպես որ, եթե փոքր-ինչ ծանոթ եք այս կամ այն երկրի մշակույթին, պատմությանը, հասարակական բարքերին ու սովորույթներին, անմիջապես կտարբերեք, թե որ երկրից է լուցկու տուփը:

Աշխատանքային ժամեր․
Երեքշաբթի-շաբաթ. 14:00 – 18:00
Երկուշաբթի. ՓԱԿ

Հակիրճ տեղեկություն

Հասցե
Թումանյան 6, 2-րդ փողոց
Հեռախոս
+374 94 57 23 34
Տոմսեր
Անվճար

Ի՞նչ տեսնել մոտակայքում

Քոբայրի վանական համալիր (2.5 կմ)
Միկոյան եղբայրների թանգարան (18.2 կմ)
Հոռոմայրի վանք (18 կմ)
Սանահինի կամուրջ (14.8 կմ)
ՔՈԱՖ Այցելուների կենտրոն (10.2 կմ)
Օձունի տաճար (15.1 կմ)

Լոռի-Փամբակի երկրագիտական թանգարան

Վանաձորի և ողջ մարզի պատմությանը՝ հնագույն դարերից մինչ մեր օրեր, կարող եք ծանոթանալ այցելելով Լոռի-Փամբակի երկրագիտական թանգարան։ Այն գոյություն ունի 1938 թվականից, սակայն մինչև 2012 թիվը չի ունեցել մշտական տարածք։ Թանգարանի հավաքածուն ընդգրկում է ավելի քան 34,000 հնագիտական և ազգագրական նմուշներ։

Կերամիկայի, գորգերի, փայտագործության և այն ցուցանմուշները պատմում են Լոռու տարբեր բնակավայրերի ավանդույթների և կենցաղի մասին։ Թանգարանի թարմացված ցուցադրությունն այցելուներին Լոռու մարզը ներկայացնում է այլ, պատմագիտական տեսանկյունից։

Աշխատանքային ժամեր․
Երեքշաբթի-շաբաթ․ 9:00 – 17:00
Կիրակի-երկուշաբթի․ ՓԱԿ

Հակիրճ տեղեկություն

Հասցե
ք. Վանաձոր, Կարեն Դեմիրճյանի 23/1
Հեռախոս
+374 322 40555
Տոմսեր
200 դրամ

Ի՞նչ տեսնել մոտակայքում

Վանաձորի կերպարվեստի թանգարան (2 կմ)
Թայիրովի ամառանոց (2.6 կմ)
Սուրբ Մարիամ Աստվածածին եկեղեցի (2.2 կմ)
Ստեփան Զորյանի տուն-թանգարան (1.7 կմ)
Սբ․ Գրիգոր Նարեկացի եկեղեցի (2 կմ)
Վանաձորի շուկա (1 կմ)

Ալավերդու պատկերասրահ

Հայաստանի ազգային պատկերասրահի մասնաճյուղ է կազմում Ալավերդու պատկերասրահը՝ հիմնված 1987 թվին։ 2009 թվին պատկերասրահը վերաբացվեց նոր շենքում։ Ցուցադրված են Սեյրան Խաթլամաջյանի, Արփենիկ Նալբանդյանի, Լուսիկ Ագուլեցու, Ռուբեն Շահվերդայնի և այլ արդիության շրջանի նկարիչների գործեր։ Կան ինչպես մշտական, այնպես էլ ժամանակավոր ցուցադրություններ։

Պատկերասրահն ակտիվ մշակութային և կրթական գործունեություն է ծավալում՝ մասնակցելով միջազգային փառատոնների, կազմակերպելով դպրոցականների և ուսանողների համար կրթական այցեր։

Աշխատանքային ժամեր․
Երեքշաբթի-շաբաթ. 10:30 – 17:30
Կիրակի. 10:30 – 16:00
Երկուշաբթի. ՓԱԿ

Հակիրճ տեղեկություն

Հասցե
ք. Ալավերդի, Թումանյան փ․, շ․ 43
Հեռախոս
+374 253 2 28 93
Տոմսեր
200 դրամ

Ի՞նչ տեսնել մոտակայքում

Սանահինի վանական համալիր (6.5 կմ)
Սանահինի կամուրջ (500 մ)
Միկոյան եղբայրների թանգարան (6.2 կմ)
Հաղպատի վանական համալիր (9 կմ)
Զարնի-Պարնի քարայրա-ամրոցային համալիր (5.5 կմ)
Օձունի տաճար (10.5 կմ)

Լուսանկարները՝ Ալավերդու պատկերասրահի ֆեյսբուքյան էջից։