Հիմնադրամի կողմից ստեղծված «Կոնցեպտ» հյուրանոցն ուղղված է զբոսաշրջության և մարզի տնտեսական աճին է։ Շրջապատված կիրճով, անտառներով և հովվերգական բնության տեսարաններով՝ հյուրանոցն իր դռներն է բացել 2019 թ․-ի ամռանը ու կարճ ժամանակում դարձել ճանապարհորդների գլխավոր հանգրվաններից մեկը։

Հյուրանոցն ունի ստանդարտ ու պրեմիում տեսակի 12 հարմարավետ սենյակ։ Ճարտարապետական ոճն արդյունաբերական դիզայնի ոգով է, որը համադրում է բետոնի անմշակ կոպտությունն ու տաք լույսի էլեգանտ լուծումները։ Ինտերիերի մինիմալիզմը թույլ է տալիս լիարժեք հիանալ բնության շքեղ գույներով։

2022 թ․-ին նախատեսվում է կից գործարկել համագումարներերի կենտրոնը։ Այն նպատակ ունի դառնալ տեղական ու միջազգային կազմակերպությունների համաժողովների, մասնագիտական վերապատրաստումների մարզային կենտրոն, ինչը մեծապես կաշխուժացնի շրջակա համայնքների կյանքը։ Համաժողովների կենտրոնը բաղկացած կլինի 100-տեղանոց երկու սրահներից, որոնք կարող են օգտագործվել ինչպես միասին, այնպես էլ առանձին։ Հատուկ շարժական պատերը ճկունություն կապահովեն։ Ավելին, արդեն առկա սենյակներն էլ կարելի է վերածել 40-տեղանոցների։

Այս բոլոր բաժիններին շուտով ավելանելու է նաև ՍՄԱՐԹ-ի սպորտային համալիրը։ Այն խթանելու է առողջ ապրելակերպի մշակույթի ձևավորումը ՍՍԱՐԹ քաղաքացիների և հյուրանոցում հանգստացողների համար։ 2700 քառ․ մ տարածքով գերժամանակակից սպորտային համալիրը ներառելու է մարզական բազում հարմարություններ ինչպես շենքի ներսում, այնպես էլ դրսում, օրինակ՝ լողավազան, մարզասրահ, թենիսի կորտ, հեծանվուղի և վազքուղի։

ՔՈԱՖ-ի նպատակը երեխաներին, երիտասարդներին ու նրանց ընտանիքներին հնարավորություններ տրամադրելն է՝ օգնելով, որ նրանք ցանկացած իրավիճակում լիովին դրսևորեն իրենց ներուժն ու «հասնեն աստղերին»։ Նախաձեռնությունը հավատում է, որ Հայաստանի բոլոր մանուկները, բացահայտելով ու կիրառելով իրենց ողջ ներուժը, ներդրում կունենան իրենց շրջապատող աշխարհի զարգացման մեջ։